ఇన్ని రోజులా...ఇలా ఒంటరిలా...

© చిన్ని ఆశ

"నిన్నొదలి ఒక్కరోజైనా ఉండలేని నన్ను ఒంటరి చేసెళ్ళావ్...ఇన్ని రోజులా
నిన్నే మదిలో తలచుకుంటూ క్షణమో యుగంలా గడిపేశా...ఎలాగోలా
రేపు నువ్వొచ్చేస్తావని ఈరోజంతా నా కనులు రెప్పపడనంటున్నాయి...ఎలా
నువ్వొచ్చేస్తున్నావన్న సంబరంలో పొద్దున మర్చిపోయాను...అన్నీ మరలా
నువు లేక నిజంగానే ఇన్నిరోజులు గడపగలిగానా ఇది నిజమేనా...లేక కలా
మళ్ళీ నన్నిలా ఒంటరిగా వదలి ఎక్కడికీ వెళ్ళవుగా ఇక...ఎన్నడూ ఇలా
నవ్వుతు నువు తెచ్చే నవ్వుల వసంతంకై ఎదురుచూస్తున్నా...నే కోయిలలా"

-మీ చిట్టి, పండు
..♥♥..