నీ ఆ"రాధ"నే రా...కృష్ణా

© చిన్ని ఆశ

కృష్ణా...
నే లేనని ఈ పువ్వుల తెమ్మెరపై అలక నీకేలరా
నే రానని మన బృందావనాన్నీ కాంచకుందువా
నీ చెంత లేనని ఆ మురళీగానం మూగబోదగునా

ఈ పువ్వుల నడుమ నడయాడిన నీ రాధను కనరా
మన బృందావనమున నీకై వేచిన నీ దానిని కదరా
ఆ మురళిన వినిపించే మధురాధాగానం నను తాకురా

నేనట లేకున్నా వాటన్నిట నా నిరీక్షణ గురుతులు లేవా
నీ వద్దకు రాకున్నా ఆ పరిసర మధురిమలలో నే లేనా
నా కృష్ణుడి ఒడిలో సేదతీర నీ రాధ నీకడ రాకుండునా

నేనెచటనున్నా నీ "ఆరాధనే" రా కృష్ణా
నీ ఆ "రాధ" నే రా కృష్ణా
నీ "రాధ"నే రా కృష్ణా...

-మీ చిట్టి, పండు
..♥♥..