పరుగున రావా నేస్తమా...

© చిన్ని ఆశ

"నువు లేవని తెలిసినా ఆగక పాపం నా మది
ఉదయ వెలుగున నీకోసం మళ్ళీ వెదికి వెదికి
వెలుగు మలచిన నా నీడని కని నీవని తలచి
వెనుదిరిగె నను వదలని ఆ నీడన నిను చూచి

నువులేని నాకు సాగని కాలమె ఓ గగనమాయె
దిక్కుతోచని మనసున ఆలోచనలే నేస్తములాయె
కదలని కాలంతో మది దిగులుగ ముందుకిసాగె
నీ రాకాకై శూన్యం వెనుక ఒంటరిగ చూడసాగె

నీకై వేచిన నాకై చప్పున కదలి రావా ప్రాణామా
నా ఉనికి నిను తాకిన వెంటనె పరుగున నేస్తమా
ఒంటరి పయనం ఆపుతూ పక్కన నడిచే తోడుగా
చీకటి శూన్యం చీలుస్తూ రేపటి ఉదయకిరణంలా"

-మీ చిట్టి, పండు
..♥♥..